Hück han ich add wide ens fessstelle mösse, wofür dat mir Deutsche so berühmt sin:

Do wör e Problemche su einfach un schnell ze löse, dat mer all zofridde künnt sin - ävver nä, do es dr Dienswääch enzehahle, öm jede Preis, und keine vun dä AOK hätt dr Mot, singe Handlungsspillraum uszeschöpfe.

Beispill: dat Mädche will singe Bart endlich leddig wäde un hätt och de Rechtsanspruch, dat de Kass dat ze bezahle hätt. Et mööt nur e poor mol zom Laser jon und dr Rest wegnadele losse. Su määt mer dat hück, dat wör flück, de billigste und bequemste Method, es ävver nit em Leistungskatalog der AOK.
Et künnt och nur nadele jon, bei ener Elektrologistin, dat duert zwor vill länger un es doppelt su teuer, wör dofür ävver em Katalog.
De Kass sät "Näää", dat es schön un joot, ävver dat mos ene Dermatologe mache, dat koss zwor vill mieh un duert noch vill länger und künnt och schlääch aussehen, weil de Doktor kein Übung hätt. Deswegen kannste och keine finden der dat määt.
Ävver su sin de Vorschriften, basta.

Wenn dat Mädche net de "Dame mit Bart" will blivve, moß se ihr Rääch einklagen, mit erfahrungsjemäß 100% Erfolgsaussicht un Schmerzensgeld - und kritt am End (in drei bis vier Johr) doch dr Laser bezahlt. Un dat weiß die AOK auch...

Jo sitt ihr dann bekloppt?
Wofür muß dat Mädche noch jahrelang met Bart zum Vorstellungsjespräch oder in singer Arbeedzick zom Dermatologen un de Beitragszahler unnüdig vill Geld bezahle, wenn et su einfach, billig und schnell ze maache wör?

ejoh, ävver op kölsch hätt et dat noch nie jejovve...

die neue Leiden vun däm nimmie janz esu junge V.V.,
e kölsch mädche em zweite Bildungswäch.

Freud un Leid met dr AOK, däm Amtsjereech, däm Arbeetsamp, Pille, Spritze, Politik un jecke Lück un wat mich all süns esu bewääch. Kriesche un Laache, noh beienein.

ävver wie mir kölsche Buddhiste esu sin,
eins dat es janz jewiss:
et hätt noch imme joot jejange...